Happy days

Sony Alpha NEX-7

Gunhild — Sat, 12 May 2012 09:41:51 +0000

I går ettermiddag henta eg min nye ven på postkontoret. Eigentleg er det min og Henrik sin ven, saman, men det høyrest ikkje så fint ut som min ven… Eit splitter nytt kamera, ein Sony Alpha NEX-7, har kome i hus og eg er storfornøgd! Vi kjøpte med eit macro-objektiv også, så no håpar eg det dukkar opp masse blomster og insekt slik eg kan ta tøffe bilder.

Lekkert?

iiih

Min nye ven!

Min gamle og trufaste ven G10-en skal framleis få vere med både på fotojakt og på turar. Dette kameraet er nemleg heilt fantastisk og (nesten) alltid til å stole på, sjølv etter 3,5 år og nesten 17.000 bilder! Det har vore med til Sverige, Thailand, Nederland, Hellas, Italia, København og Canada, og for ikkje å snakke om turar i både by og skog!

Bilde #1 tatt med NEX-7-en min

LilleMINX

Gunhild — Sat, 31 Mar 2012 16:27:11 +0000

I dag har eg vore innom LilleMinx kulturverksted. Tidlegare denne veka fekk eg nemleg ei henvending frå ho som driv verkstaden/kafèen. Ho lurte på om eg kunne tenke meg å selge smekker hos dei. Sjølvsagt ville eg det! Etter litt improvisasjon med ei rame, eit omslag til takkekort og ein sølvpenn fekk eg laga meg eit lite skilt med informasjon. Alt vart fint dandert i ein krok i lokala, og no er det berre for alle som er i bygda å ta turen innom. God kaffi, mange freistande kaker og smilande vertskap gjer besøket til ei glede i kvardagen. Flott at nokon tek initiativ til å ha ein slik møteplass. Støtt opp folkens!

Heimelaga skilt i vindauget, sjølvsagt

Innbydande inngangsparti

Klare til å danderast utover

Siste ladning

Gunhild — Tue, 27 Mar 2012 19:14:04 +0000

Det har vorte sydd 11 nye smekker sidan sist. 5 i helga medan Silje og Erlend var på besøk og 6 i dag. På søndag fekk Silje seg eit lite kurs, og jammen sydde ho ikkje 2 smekker sjølv. No har eg 24 stk som er fiks ferdige og klare til sals.

Husk! Når du får smekkene, har eg vaska dei på 30 grader og dei fått ein omgong med strykejarnet. Dei er vendbare med flott mønster på eine sida og einsfarga fleece på den andre, med mindre anna er oppgjeve. Alle smekkene har to knappar og kan justerast i størrelse rundt halsen. Prisen er 85 kroner pr. stk + evt porto. Legg att ein kommentar om du kunne tenkt deg å sjå nærare på dei, eller allereie har bestemt deg for å kjøpe!

OBS! Siste frist for å kjøpe av dei eg har laga til no, gjennom nettsida eller facebook, er førstkomande fredag!

Søndagens produksjon

Lille larven aldri mett, kvit fleece på baksida, kvit saum (EI SELD)

Bilar på kvit bakgrunn, kvit fleece på baksida, kvit saum

Husdyr på lys blå bakgrunn, kvit fleece på baksida, kvit saum

Sauer og tall på grøn bakgrunn, kvit fleece på baksida, kvit saum

2 x lilla sirklar på lilla bakgrunn, lys lilla fleece på baksida, lilla saum
Lilla sirklar på lilla bakgrunn, kvit fleece på baksida, lilla saum

Tøft retrostoff!

Sirklar på svart bakgrunn, oransje fleece på baksida, oransje saum

Sirklar på svart bakgrunn, grøn fleece på baksida, grøn saum

Bilar på kvit bakgrunn, oransje fleece på baksida, kvit saum

Sy, sy, sy

Gunhild — Tue, 20 Mar 2012 18:22:30 +0000

Eg syr, syr og syr. Det vil seie, eg har hatt nokre dagar med pause. Her kjem bilder av siste ladning. Sjå også innom sist innlegg for å sjå andre smekker til sals.

Husk! Når du får smekkene, har eg vaska dei på 30 grader og dei fått ein omgong med strykejarnet. Dei er vendbare med flott mønster på eine sida og einsfarga fleece på den andre, med mindre anna er oppgjeve. Alle smekkene har to knappar og kan justerast i størrelse rundt halsen. Prisen er 85 kroner pr. stk + evt porto. Legg att ein kommentar om du kunne tenkt deg å sjå nærare på dei, eller allereie har bestemt deg for å kjøpe!

Gris på rosa bakgrunn, kvite fleece på baksida, kvit saum

Raude soppar på beige bakgrunn, kvit fleece på baksida, beige saum

Løve og ape på kvit bakgrunn, kvit fleece på baksida, kvit saum (SELD)

Kvite stjerner på blå bakgrunn, kvit fleece på baksida, kvit saum

Lille larven aldri mett, kvit fleece på baksida, kvit saum

Lille larven aldri mett, kvit fleece på baksida, kvit saum (GITT VEKK)

Fisketur

Gunhild — Tue, 20 Mar 2012 17:39:56 +0000

Søndag var vi, familien 2+3, på årets første fisketur. Brage fekk seg fiskestong i bursdagsgåve i februar, og det var på høg tid at ho fekk kome opp frå kjellaren vår. Du skjønar, fiskestonga bor i taket vårt, og så må Brage innom av og til og sjå etter om ho heng fint. Då leitar han fram lommelykta og så går vi ned i kjellaren og og lyser opp i taket.

Dagmar hadde herja på Østmarkneset

Stor, minst, mindre. Onkel, Brage, tante. 3 på rad

Ein må sjølvsagt ha Elias-sluksett når ein er 3 år

Brage og onkel prøver fiskelykka

Hamburger, solo og kvikk lunsj i sola gjorde godt

Det var minst like kjekt å kaste stein!

Vi hadde ein herleg tur i strålande fint vårvêr, og eg måtte luske litt i hagen då eg kom heim. Tre små krokusar hadde kome fram på plenen, og på altanen hadde jammen graslauken min kome opp også! (At det no ligg snø over både krokus og graslauk, det snakkar eg ikkje så høgt om).

Takk for turen! Eg gler mej allereie til neste gong!

Jeg er god i og…

Gunhild — Sat, 17 Mar 2012 09:36:46 +0000

Ja, dei fekk utfalde seg fritt ungane, og skrivefeil brydde eg meg ikkje om. Ekstra sjarmerande vart det, på desse flotte korta som dei starta på i RLE-timen på tirsdag. Det var så flott å sjå at dei alle kosa seg med oppgåva, og at dei viste slik glede då dei fekk vite at dei skulle få med kortet heim same dag. Vi lærarar er litt vel opptatt av å vise fram alt vi lagar, og det blir gjerne til at ting blir hengande oppe på tavler og veggar i både ein og to månader. Denne gongen fekk dei altså med seg eit fiks ferdig kort som dei var stolte av der og då! Det heng nok mange fingeravtrykk på kjøleskap og korktavler denne helga.

Men, det beste med heile oppgåva var at alle har tenkt mykje på det å vere unik, alle veit at det fins ikkje to like menneske, og alle veit at dei er gode til noko. Og når nokon sleit med å kome på kva dei skulle teikne og skrive, ja då hjalp heile gruppa til med å fortelle kva han eller ho var god til. Her får du sjå eit lite utval.

Det ER fantastisk å vere lærar!

Fleire smekker til sals!

Gunhild — Thu, 15 Mar 2012 17:13:50 +0000

Det har vore eit par rolege dagar for symaskina, men tidlegare i veka fekk ho køyrd seg litt. Hannah har vore her og fått seg eit lynkurs i smekke-sying, og medan ho sydde, sydde sjølvsagt eg og. No har eg 9 stk som er fiks ferdige og klare til sals.

Når du får dei, har eg vaska smekkene på 30 grader og dei fått ein omgong med strykejarnet. Dei er vendbare med flott mønster på eine sida og einsfarga fleece på den andre, med mindre anna er oppgjeve. Alle smekkene har to knappar og kan justerast i størrelse rundt halsen. Prisen er 85 kroner pr. stk + evt porto. Legg att ein kommentar om du kunne tenkt deg å sjå nærare på dei, eller allereie har bestemt deg for å kjøpe!

Hund på oransje bakgrunn, kvit fleece på baksida, beige saum

Bilar på kvit bakgrunn, grøn fleece på baksida, grøn saum SELD!

2 x Lilla elefantar, lilla fleece på baksida, lilla saum

Lilla zebra på kvit bakgrunn, kvit fleece på baksida, kvite saumar

Rosa gris, kvit fleece på baksida, kvit saum

Jungeldyr, blå fleece på baksida, blå saum

Den andre med jungeldyr vart seld til ei ukjend dame på postkontoret i Midtbyen. Eg skulle sende smekkene Kristina hadde bestilt, og ho spurde så fint om ho ikkje kunne få sjå på dei. Jau, det kunne ho… og vips hadde ho både bestilt og betalt. Ein real sjølvtillitsboost!

Desse to har eg også att frå sist runde. Rosa hjarter på kvit bakgrunn, kvit fleece på baksida, kvit saum. Lilla zebra på kvit bakgrunn, lilla fleece på baksida, lilla saum.

Du er unik

Gunhild — Tue, 13 Mar 2012 18:04:17 +0000

I dag har eg snakka med alle mine håpefulle små om det å vere unik. At det fins ikkje ein person i heile verda som er akkurat som dei, og at det er viktig å vere akkurat den ein er. Ikkje eingong tvillingar er heilt like, kom vi fram til. Og sjølv om nokon liknar på storebroren sin er det viktig å hugse på at eg er eg og du er du.
Dei seier det så fint!

Kvar og ein av dei fekk lage eit tommelavtrykk på eit kort, og på torsdag skal alle få skrive med store bokstavar øverst på kortet: JEG ER UNIK. Tommelavtrykket skal få hender, føter og hovud, og alle skal teikne på ein ting dei er gode til. Under bildet skal det stå:
Jeg er god til å…

Høyrest det ikkje herleg ut å vere lærar?

Eg er visst god til å snakke, det måtte vi teikne på mitt tommelavtrykk

Søndagsfrukost

Gunhild — Sun, 11 Mar 2012 21:23:50 +0000

Henrik kom heim ein tur i går, og så bar det rett i 30-års-lag for Eivind og Kristin. Vi var ikkje alt for seine med å rusle heimover i natt, men seint nok til at vi begge steinsøv til klokka 12. Det vil seie, Henrik stod opp ein time seinare enn meg og fekk servert rykande varme amerikanske pannekaker med eksklusiv lønnesirup frå Canada, bacon, melis og sukker. Deileg søndagsfrukost!

Eg valde bacon og melis

Henrik valde melis og lønnesirup

No har Henrik reist tilbake til Dombås. I morgon startar ei ny veke med dei fantastiske ungane mine, men først skal eg søve vekk migrena mi. Det har ikkje vorte sying i dag med andre ord, men i morgon, DÅ blir det!

Lilla zebra

Gunhild — Sat, 10 Mar 2012 17:04:16 +0000

Dette fine stoffet kjøpte eg då eg og Anna var på Stoff og stil no i veka. Fine lilla zebraer. (Det er faktisk ikkje lov til å skrive zebra med Z på norsk, det oppdaga eg først no. Men, eg synest det ser fint ut med ein z i ny og ne)

Søt!

Det vart tre variantar med dette stoffet

Zebra-stoff, lilla fleece på baksida, lilla saumar

Zebra-stoff, kvit fleece på baksida, lilla saumar

Zebra-stoff, kvit fleece på baksida, kvite saumar

Alle smekkene er sjølvsagt merka med guve