Skule « Happy days

Arkiv for ‘Skule’ kategorien

Jeg er god i og…

Saturday, 17.03.2012

Ja, dei fekk utfalde seg fritt ungane, og skrivefeil brydde eg meg ikkje om. Ekstra sjarmerande vart det, på desse flotte korta som dei starta på i RLE-timen på tirsdag. Det var så flott å sjå at dei alle kosa seg med oppgåva, og at dei viste slik glede då dei fekk vite at dei skulle få med kortet heim same dag. Vi lærarar er litt vel opptatt av å vise fram alt vi lagar, og det blir gjerne til at ting blir hengande oppe på tavler og veggar i både ein og to månader. Denne gongen fekk dei altså med seg eit fiks ferdig kort som dei var stolte av der og då! Det heng nok mange fingeravtrykk på kjøleskap og korktavler denne helga.

Men, det beste med heile oppgåva var at alle har tenkt mykje på det å vere unik, alle veit at det fins ikkje to like menneske, og alle veit at dei er gode til noko. Og når nokon sleit med å kome på kva dei skulle teikne og skrive, ja då hjalp heile gruppa til med å fortelle kva han eller ho var god til. Her får du sjå eit lite utval.

Det ER fantastisk å vere lærar!

Posta i Skule | 3 kommentarar »

Du er unik

Tuesday, 13.03.2012

I dag har eg snakka med alle mine håpefulle små om det å vere unik. At det fins ikkje ein person i heile verda som er akkurat som dei, og at det er viktig å vere akkurat den ein er. Ikkje eingong tvillingar er heilt like, kom vi fram til. Og sjølv om nokon liknar på storebroren sin er det viktig å hugse på at eg er eg og du er du.
Dei seier det så fint!

Kvar og ein av dei fekk lage eit tommelavtrykk på eit kort, og på torsdag skal alle få skrive med store bokstavar øverst på kortet: JEG ER UNIK. Tommelavtrykket skal få hender, føter og hovud, og alle skal teikne på ein ting dei er gode til. Under bildet skal det stå:
Jeg er god til å…

Høyrest det ikkje herleg ut å vere lærar?

Eg er visst god til å snakke, det måtte vi teikne på mitt tommelavtrykk

Posta i Skule | 6 kommentarar »

Trykk

Friday, 27.01.2012

I dag har vi hatt ein litt annleis dag på jobb utan elevar. Halve dagen gjekk med til utarbeiding av lokal læreplan i naturfag. Etter klokka 12 fekk vi besøk av kunstnaren Octavio som skulle lære oss teknikkar innen trykking.

Før vi fekk prøve oss fram fortelde Octavio litt om alle teknikkane og laga nokre prøvetrykk for å vise oss kor enkelt det kan gjerast.

Dyptrykk

Høytrykk

Så var det vår tur, og når ein liten flokk lærarar får leike med plastfilm, sakser, papir, ruller og trykksverte, då blir det mykje rot. Kunstnarvenen vår passa heldigvis på å rydde på arbeidsbordet medan vi arbeidde.

Press i veg!

Her er mine bilder

PS! Du har vel ikkje tilfeldigvis trykksverterestar på jobb, Svigermor?

Posta i Skule | 2 kommentarar »