Lykke « Happy days

Arkiv for ‘Lykke’ kategorien

Laurdagslykke

Saturday, 17.09.2011

Når katten er ute dansar musa på bordet,
sjå berre kor eg har kosa meg i dag…

Kaffi på Latteliten…

…med eit lite kakestykke til

Mørbradbiff med dampa grønnsaker og hasselbackpotet

No ventar snart litt sjokolade og kanskje ein dårleg jentefilm :)

Posta i Lykke, Mat | 2 kommentarar »

Det har vore hektiske dagar dei siste vekene, men endeleg er det altså sommarferie. I år er det ekstra godt å kjenne på feriefølelsen. For første gong går eg ut i ferie utan å gru meg til å ikkje ha ein jobb å gå til når hausten kjem -
Og slik skal det vere i lang tid framover.

På torsdag leverte eg frå meg nøklane til gamlejobben

Fredag skreiv eg ny kontrakt på FAST JOBB i Trondheim kommune

Eg fekk nye nøklar og ein flott perm med informasjon om den nye skulen min!

Rett etter å ha signert kontrakta tok eg turen innom Ticket reisebyrå og booka sommarens første utanlandstur. Onsdag reiser eg, Maria og lille Helena til Rhodos for ei veke. Eg har allereie handla inn solkrem, sommarkjolar og lesestoff, og alt var pakka i kofferten i går ettermiddag :)

Det har seg slik at eg no må sende frå meg min kjære mac. Erlend og frua skal ta han med seg heimheim slik han står der og ventar på meg når eg kjem. Eg reiser nemleg rett heimheim etter Rhodos-turen, og når eg skal til Trondheim att, det er det ingen som veit :) Ha ein flott sommar alle saman! Kanskje kjem det eit og anna innlegg, men kan ikkje love!

Posta i Glede, Lykke, Skule, Tur | 3 kommentarar »

Bergen!

Thursday, 5.05.2011

Fredag kveld var vi klare for avgang til Bergen. Herlege Jannicke skulle feire 29 år + 12 mnd-dag på laurdag, og vi var invitert i kalaset. Vi overnatta på hotel, kosa oss saman med fine folk, naut det nydelege vêret, var på oppdagingsturar og sightseeing. Eg gler meg allerie til neste gong, kanskje blir det ein tur i sommar allereie?

Ha det bra Trondheim

Vi rusla ein liten tur før vi tok kvelden, Lille Lungegårdsvann

Fløien by night

Laurdags morgon rusla eg for meg sjølv ei stund,
aller først rusla eg langs Bryggen

Så var det på tide med litt geocaching igjen, og eg fann ein i Bryggestredet!

Eg fann fine detaljar blant brosteinen

Anna tipsa meg om ein søt liten kafè eg måtte ta turen innom, og jammen fann eg han utan å måtte leite særleg.

Då Henrik stod opp gjekk vi på nok ein rusletur, han har bodd i Bergen og fekk i oppdrag å vise meg det som var verdt å sjå. Først gjekk vi langs Lille Lungegårdsvann. Etter det vart ikkje det meir bilder denne dagen, vi åt lunsj med fine folk, åt is og rett og slett berre kosa oss

Søndag var vi klare for ein ny runde med sightseeing.
Turen gjekk først til Fløien.

Fantastisk utsikt over Bergen by!

Henrik nyt utsikta

Vi var ikkje dei einaste som var der for å nyte utsikta

Vi fann ein geocache på Fløien også, men vi kunne dessverre
ikkje ta han fram…

På tur ned igjen

Resten av tida gjekk med til meir rusling, endå ein kaffi på den søte lille kafèen, lunsj på Hot Wok, og så rusling til eg fekk opp til fleire vannblemmer. Men, de skal vete eg kosa meg! Ein ny by med nye små detaljar og motiv eg kunne forevige med kameraet mitt. Lykke!

Bergen domkyrkje