Sist laurdag reiste altså eg og Elin til Amsterdam for nokre dagar. Sidan Sverige er det einaste europeiske landet eg har vore i, utanom Norge, var det på høg tid eg kom meg ut på tur.
Flyet vårt frå Værnes var ein halvtime forseinka, så då vi landa på Gardermoen stod flyet til Schiphol og venta på oss. Vi tok like gjerne dagens trimøkt og sprang gjennom heile Gardermoen på rekordtid. Det vart ein frisk start på turen, kan du seie.
Flymat. Ikkje spesielt fristande, men nødvendig
Vi landa på Schiphol, og kom oss inn i terminalen. Eg kjende meg faktisk att etter dei mange timane eg og Henrik rusla rundt der før Thailand-turen vår i fjor sommar.
Vi fekk kjøpt oss togbillettar og fann fram til rett plattform
Første møte med Amsterdam
Vi fann fram til hotellet, Mövenpick Hotel Amsterdam
Vi hadde eit stilfullt og fint rom
Upåklageleg utsikt hadde vi og, frå 16. etasje
Legg merke til damplokomotivet
Vi fann oss ein trikk og trikka avgårde (eit stopp :p)
Vi rusla og gjekk for å finne oss ein passande restaurant til middag. Flotte gater!
Hus og fasadar som ikkje likna noko anna eg hadde sett før…
Vi fann oss ein liten koseleg indisk restaurant som serverte nydeleg god mat. Interiør, miljø, betjening og mat bar preg av å vere autentisk
Etter maten gjekk vi på skattejakt, og i ein søt liten oase av ei gate fann vi vår første (og einaste) geocache på turen
Vi rusla ei stund til før vi kjende på trøytten og kom oss tilbake til hotellet for natta.
