…for å ta del i årest sauesanking heimeheime med mamma og pappa. Fredag formiddag var vi på plass for å ta ein fin liten rekognosering-tur før hovedsankinga på laurdag. Turen vart både lengre og tyngre enn planlagt, men skal sei han var flott! Pappa sat på post og speida for oss medan eg, Henrik og Mamma gjekk inn i dalen og opp i fjellet.

Mamma, Pappa og Henrik speida før avgang

Første sikre spor…

Mamma og Henrik måtte kikre litt undervegs

Gledeleg gjensyn!

Vi starta på turen opp, opp, opp

Nydeleg utsikt nedover/utover…

…og oppover!

På tur endå lengre inn etter at vi kom over første kneika

Steinen som har gitt dalen namnet Gullmordalen, fin!

Flott mønster

Eg kasta haustens første snøball på ein liten snøbre

Etter ein liten kvil og ein matbit starta vi på ein klatretur opp til tre sauer som stod 1200 m.o.h. og flira av oss :p

Fantastisk utsikt!

Langt der oppe fann eg ei stor og flott blåklokke som eg tok meg tid til å ta bilde av

Då vi kom i kontakt med dei tre sauene var det ikkje tid til å stoppe opp å ta bilder. Sauene sprang og vi fór etter nedover ura. På tur nedover til botnen fekk vi med oss nokre sauer til, og vel nede tok vi avgjerda om å rusle heimover og lade opp til laurdag.

Laurdag vakna eg med stive og støle leggar og lår, men opp og i veg måtte vi. På stølen møtte vi ein gjeng som gjerne ville vere med heim…

Eg og Henrik møtte på ei søye med eitt lam heilt i starten på turen, og Henrik fekk jaga ho heimover mot stølen

Siste bilde (av veldig få) laurdag, vart dette. Snart heime!

Søndag vakna eg og var så sår under føtene og så stiv og støl at eg hadde problem med å gå. 12.30 vinka vi til lillebror, mamma og pappa, og starta på turen nordover igjen. Første pause tok vi på Dombås, og der fekk eg tatt bilde av ein heil trollfamilie.

Turen over Dovre gjekk leikade lett (i allefall for meg som var passasjer)

Rett før Oppdal stoppa vi for å strekke på føtene og for å leite etter ein cache

I cachen fann vi ein Travel Bug, eit hjarte som gjerne ville vere med ein person med eit godt hjarte :)

Fin fasade på huset vi stoppa ved

Vi har hatt ei slitsom, men kjempefin helg heime! Det er alltid kjekt å kome heim, og det er alltid kjekt å kunne hjelpe til! No gler vi oss berre til den endelege tellinga er gjort, slik vi får vete kor mange sauer vi fekk med ned frå fjellet :)