  |
Archive for December, 2009BittelillejulaftanI går monterte vi peparkakehus, og overpynta det. Eg var sjef, medan Lillebror og dama var assistentane mine – heilt greit for meg :) Huset kom opp, og sjølv om vi åt mykje av pynten, vart det rikeleg nok… Bilde av det ferdige huset kjem i morgon! 
…og endå meir pynt Montering Overfylt…
Lillebror har fått lånt seg speilreflekskamera Eg fekk laga kvepsebol òg! Mmm!
SøndagsbyturTrass i at eg har vore ferdig med julegåvene mine ei stund, tok eg ein liten tur til byen i dag. Eg har vore på kafè, der eg fekk ein moccakaffe som ikkje smakte godt i det heile tatt. Minn meg på at eg ikkje skal gå dit fleire gongar! Eg har sett nydeleg himmel, og tatt vakre bilder. Ja, og så må eg innrømme at eg fekk eit aldri så lite snev av julestemning… det var tende faklar overalt, dei spelte julemusikk, selde juletre og julenek, og så var det kanefart -og hesten hadde slike fine bjeller på. Dagens bildefangst kjem her, nyt! 
LaurdagskveldsturEg har rusla meg ein tur og eg har høyrd snøen knirke under skoa. I vindauga har eg sett julestjerner i alle fargar og fasongar, adventsstakar, juletre og lys. Nokre har på seg finstasen og skålar i sjampanje, andre ser Nytt på Nytt eller teiknefilm. Eg har sett fine julelys, stygge julelys, grøne, blå, gule og raude julelys, og blinkande julelys – det verste av alt.  No har eg laga meg ein kopp varm gløgg, og tek eg ikkje feil, er det Med hjarta på rette staden på NRK! |
 
   |
