I går kosa eg og Henrik oss med middag på restaurant, etterfylgt av kinobesøk. Eg fekk bestemme kvar vi skulle ete, og valget endte på Frida, ein meksikansk restaurant i Fjordgata. Vi hadde vore der ein gong tidlegare, og var storfornøgde med mat, service, atmosfære og pris.

Interiøret er gjennomført i meksikansk stil, med både stolar og bordplate dekt med okseskinn, meksikansk kunst på veggar, og ikkje minst fargar som skaper ei atmosfære som ein (i allefall eg) kan sjå føre seg som autentisk meksikansk.

Henrik prøvar sitt beste å vente til fotografen har gjort det ho skal…

Men det er ikkje alltid like lett…

Etter maten var vi på kino og såg Zombieland, ein thriller/komedie som var både ekkel og morosam. Neste gong trur eg det er min tur til å velje film!

No har Henrik besøk av 3 kompisar, og eg har forvist meg sjølv til kjøkkenet. Her har eg både brus og popcorn, eg kan sjå film på macen eller løyse sudoku. Men kva gjer eg? Jau, eg bakar kanelsnurrar til gutta på stova. (Neida, eg bakar ikkje for min eigen del, heilt sant)

Kva gjer de på ein slik fin laurdagskveld?