Vi gjekk ein tur til byen i dag, rett og slett berre for å vere ilag, to-saman. Det vart verken kaffe eller kake, slik vi hadde planlagt, men det vart ein fin tur likevel. På tur til Krem, ein kafè med deilige kaker, oppdaga vi at det skulle ver badekarpadling i Nidelva. Vi snudde, og tok turen til Marinen for å sjå korleis det gjekk føre seg.

Padlinga hadde starta då vi kom, men vi rakk å få med oss både fartøya og kampane som gjekk føre seg ute i elva. Folk hadde samla seg på brua for å få god oversikt, vi stod på elvebarden. Fekk tatt nokre bilder, trass i litt dårleg utsikt.

Det vart kasta fiskerask, egg, gamal frukt og mykje anna frå fartøya. Nokre hadde bygd veggar rundt flåten sin, andre stod meir utsett til. Nokre av deltakarane kasta seg i elva, andre fekk hjelp av motstandarane. Det såg ut til at dei hadde det rett så kjekt, og bi kunne ikkje anna enn å flire. Bileta talar for seg sjølv trur eg :)

Kommentatoren hadde den beste utsikta

Slik såg elva ut etter moroa… ikkje bra!