Eg kosar meg på sofaen med ein stor kopp te. Fann ein pose fruity garden i skapet som frista, og eg hadde heilt gløymd kor god den er.

Mac’en min kom att frå laptopsjukehuset på mandag, og no kan eg sete her i sofaen i 6 timar og 41 minutt og gjere ingenting. Laptopdokterane fiksa ikkje berre kameraet, men eg fekk meg nytt batteri òg! Eg vart hoppande glad, skal eg seie deg! Det sparde meg for heile 1200 kroner, nemleg!

Og heilt til slutt har eg ei nyheit eg vil dele med alle: Eg skal jobbe kvar einaste dag fram til haustferien, lykke!

Det er ikkje mykje nytt å kome med herifrå. Eg har fått arbeid heile denne veka, heldigvis! Kosar meg stort, og blir berre meir og meir fornøgd med kvardagen min. Henrik er på HV-øvelse og eg skal prøve å nyte nokre dagar heime åleine. Skulle liksom vere flink til å lage med middag, men i dag måtte eg ty til frysarmat. Heldigvis laga eg rikeleg med pirogar då eg hadde bakstedag :)

Elles har hausten kome for fullt. Vi har ikkje hatt ein einaste regnfri dag sidan eg var på tur for to veker sidan. Det har blitt betydeleg kaldare, og eg har leita fram ulljakka mi til i morgon. For min del kan det godt slå om til varmare vêr snart!