Vi har hatt barnebursdag i heimen og i alt var vi 6 vaksne og 2 søte små (ok da, dei er ikkje små lengre). Snop, brus, daim-iskake, blåbærmuffins og ein heil haug med sveler vart servert. Har enno litt att, men forhåpentleg kjem det ein kar eller to i kveld for å hjelpe oss å ete opp.

Eg laga svelerøre etter Mormor si oppskrift. Fekk den av ho over telefon for ganske nøyaktig 9 år sidan, så det var litt stas å bruke akkurat den oppskrifta i dag. Hugs alltid å få med dato når du får oppskrifter, seier eg berre! Legg merke til at svelene vert avkjølt på ei trerist, den har eg arva etter verdens beste Mormor. Truleg har Besten laga den til ho, og likeins reparert den, ute i smia.

Iskaka vart pynta med sjokoladebokstavar, og ikkje minst lys. Litt vanskeleg å plassere ut 28 lys, så løyste det på den enkle måten… 2 lys på eine sida, 8 på den andre. Det vart ei flott kake, og ho smakte aldeles fortreffeleg!

Bordet vart pynta med OleBrumm-fat, slik det skal vere i ein ekte barnebursdag. Rosene på bordet er restar etter buketten eg fekk med Henrik for ei veke sidan, for fin pynt skal det også vere på eit barnebursdagsbord, må vete.