For ei tid tilbake fekk eg ei overrasking på kontoen min, det var bestefaren til Henrik som hadde ført over eit lite bidrag til sommaren. Er eg glad i å gå turar i skog og mark, og eg har lenge vore på jakt etter ei god turbukse som eg kan ha til slikt bruk. Då eg var heime i sommer fann eg ei flott Bergans-bukse som eg likte kjempegodt. Den kjøpte eg meg for bidraget frå Bestefar-Oslo! (Og enno har eg meir att) Buksa har allereie fått vore med på ein hyttetur og ein fisketur, og i dag hadde eg ho på meg då eg og Henrik var på Matatur.
Vi bestemde oss for å ete middagen ute i dag. Eg pakka sekken med stormkjøkken og mat, og så sykla vi avgårde. Det var kjempekoseleg, og maten var så god! Den som nokon gong har ete mat som er tilberedt på stormkjøkken, på eit svaberg, ein søndags ettermiddag, ja den veit omtrent kor godt det smakte :)
