I juni kjøpte eg meg symaskin. Eg har ikkje hatt ei symaskin framføre meg sidan barneskulen, og det er nokre år sidan. Det har vorte mykje jobbing i sommar, og vidunderet har stått meir i eit skap enn framme på bordet. No i helga hadde eg besøk av aMhA. Ho hadde med seg si maskin, og vi gjorde om leilegheita mi til systove for ein kveld.

Kvelden gjekk fort! Eg tenkte, funderte, tegna, målte, sydde, tenkte og funderte igjen, sydde feil og spretta oppatt en saum eller tre. Eg banna, reiv meg i håret, heldt på å eksplodere, og eg trua med å drepe. Det heile endte i eit stort glis. Eg var så stolt over det eg har fått til!

I går kveld gjorde eg meg ferdig, og her er resultatet. Ei flott veske som eg gler meg til å ta i bruk!

Veska er fòra og har lomme på innsida

Detaljar…